"Araz-Naxçıvan" "Neftçi"yə qarşı

Yüksək Liqa: "Araz-Naxçıvan" turun mərkəzi oyununda "Neftçi" İK ilə üz-üzə gələcək.

Bu gün futzal üzrə Yüksək Liqada XII turun oyunları keçiriləcək.

90deqiqe.az xəbər verir ki, turun mərkəzi matçında son çempion "Araz-Naxçıvan" "Neftçi İK" ilə üz-üzə gələcək.

Hesabat turunda həmçinin "Yasamal Bakı" – "Record club" və "Baku Fire" – U-19 matçları da gerçəkləşəcək. Bütün qarşılaşmalar Bakı İdman Sarayında olacaq.

Qeyd edək ki, "Araz-Naxçıvan" 28 xalla liderdir. "Baku Fire" 24 xalla ikinci, "Neftçi" İK 23 xalla üçüncü pillədə qərarlaşıb. "Yasamal Bakı" 8 xalla dördüncü, U-19 6 xalla beşinci, "Record club" 4 xalla altıncı sıradadır.