LeBron karyerasını bitirmək istədiyi klubun adını açıqladı

"Los Angeles Lakers"in hücumçusu LeBron Ceyms karyerasını hansı komandada bitirmək istədiyini açıqlayıb.

90deqiqe.Az xəbər verir ki, 39 yaşlı idmançı burda qalmaq istədiyini bildirib.

"Hələ neçə mövsüm qaldığımı hesablamamışam. Bilirəm ki, o qədər də çox deyil. Amma mən "Lakers"in bir hissəsiyəm. Son altı ildə burda olmaqdan çox xoşbəxtəm və ümid edirəm ki, belə də qalar... Bilmirəm necə olacaq, amma bitəcək”, - LeBron mətbuat konfransında deyib.

Bu NBA mövsümündə LeBron indiyədək 47 oyunda iştirak edib, orta hesabla 24,6 xal, 7,2 ribaund və 7,7 asistlə yadda qalıb.