Yelena Rıbakina bu turnirdən imtina etdi

Dünyanın dördüncü raketkasi, qazaxıstanlı tennisçi Yelena Rıbakina mədə-bağırsaq xəstəliyinə görə Dubayda (BƏƏ) keçirilən WTA-1000 kateqoriyalı ağır turnirdən imtina edib.

90deqiqe.Az xəbər verir ki, idmançı bu gün turnirin 1/4 finalında dünyanın 26-cı raketkəsi, İtaliya təmsilçisi Yasmine Paolini ilə görüşməli idi, lakin görüş baş tutmayacaq. Beləliklə, Paolini Marketa Vondrousova (Çexiya) və Sorana Cirstea (Rumıniya) arasındakı qarşıdurmanın qalibi ilə oynayacağı Dubay turnirində yarımfinala yüksəlib.

Xatırladaq ki, bu mövsüm Rıbakina Brisben (Avstraliya) və Əbu-Dabi (BƏƏ) turnirlərində titul qazanıb, həmçinin Adelaida (Avstraliya) turnirinin 1/4 finalında və Dohada (Qətər) WTA-1000 finalında məğlub olub. ).

Dubaydakı yarışa fevralın 24-də yekun vurulacaq. BƏƏ-də keçirilən turnirin hazırkı çempionu çexiyalı tennisçi Barbora Kreycikovadır.