- Offside
- 23:17 07.09.2024
Azərbaycan Kaneo və Avarçəkmə Federasiyası Mingəçevirdəki “Kür” Olimpiya Tədris-İdman Mərkəzində təmizlik aksiyası təşkil edib.
Federasiyanın mətbuat xidmətindən 90deqiqe.Az -a verilən məlumata görə, Azərbaycanda baş tutacaq BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29-a dəstək xarakterli aksiya keçirilib.
Azərbaycan Kanoe və Avarəkmə Federasiyasının idmançı-məşqçi heyəti, federasiya nümayəndələri, həmçinin Gənclər və İdman Nazirliyi, Mingəçevir şəhər İcra Hakimiyyəti, Mərkəzi Aran Regional Gənclər və İdman İdarəsinin nümayəndələri sözügedən təmizlik aksiyasında iştirak ediblər.
Tədbirin keçirilməsində əsas məqsəd ətraf mühitin, yaşıllığın, su ehtiyatlarının qorunmasında iştirak, bu yolla həm də cəmiyyəti ekologiyanı qorunmağa dəvət etməkdir.
Aksiya zamanı həm “Kür” Olimpiya Tədris-İdman Mərkəzinin ətrafı, həm də Kür çayında iməcilik keçirilib.