Lunev "Qarabağ"a buna görə keçibmiş

“Qarabağ”ın və Rusiya millisinin qapıçısı Andrey Lunev Azərbaycan klubuna keçməsinin səbəbini açıqlayıb.

90deqiqe.Az-ın məlumatına görə, 32 yaşlı qolkiper yaxşı vəziyyətinə qayıtmaq üçün Ağdam klubunu seçdiyini bildirib.

“Mən ora (“Qarabağ”a – Çempionatdan qeyd) konkret məqsədi həyata keçirmək üçün – özümə sübut etmək üçün gəlmişəm. Zədədən, oyun vaxtı baxımından "Bayer"dəki uğursuz dönəmdən, sağlamlıq baxımından pis seriyadan sonra dəqiq məqsədim var idi - sadəcə olaraq stabil və yaxşı vəziyyətimə qayıtmaq və futbola qayıtmaq”

Keçmiş “Zenit”in qapıçısı Lunev 2021-2023-cü illərdə Almaniyanın “Bayer” klubunun futbolçusu olub, lakin üç oyunda çıxış edərək, bu komandada heç vaxt möhkəmlənə bilməyib. 32 yaşlı rusiyalı qolkiper 2023-cü ilin avqustunda Azərbaycan təmsilçisi "Qarabağ"la müqavilə imzalayıb. Bu mövsüm o, klubun heyətində bütün yarışlarda 25 oyuna çıxıb, 32 qol buraxıb. Eyni zamanda, səkkiz oyunda Andrey heç bir qol buraxmadı.

“Qarabağ” bu mövsüm 27 turdan sonra 66 xal toplayıb və Azərbaycan çempionatının turnir cədvəlinə başçılıq edir.