Azərbaycan cüdoçuları Almaniyada təlim-məşq toplanışlarında iştirak edirlər

Azərbaycanın yeniyetmə cüdoçuları Almaniyada beynəlxalq təlim-məşq toplanışında iştirak edirlər.

Federasiyadan 90deqiqe.Az-a verilən məlumata görə, qızlardan ibarət komanda Türingiya şəhərində hazırlıq prosesində iştirak edib.

Toplanış aprelin 6-7-də Çexiyanın Teplitse şəhərində keçiriləcək Avropa Kubokuna, mayın 4-5-də Göygöldə təşkil olunacaq Avropa Kubokuna, iyun və avqust aylarında gerçəkləşəcək Avropa və dünya çempionatlarına hazırlıq məqsədi daşıyır.

Gənclərdən ibarət yığmanın üzvləri isə Bremendə beynəlxalq təlim-məşq toplanışına qatılıb. Onlar martın 30-dək Hannoverdə məşq edəcəklər.