Çeferindən korrupsiya ilə bağlı AÇIQLAMA

UEFA prezidenti Aleksander Çeferin qurumda korrupsiya olmadığını açıqlayıb.

90deqiqe.Az  xəbər verir ki, funksioner, qurumunun təmiz təşkilat olduğunu bildirib.

“Mən əminəm ki, UEFA hələ mən gələnə qədər korrupsiyalaşmış təşkilat deyildi, amma insanlar UEFA ilə FİFA-nı tez-tez qarışdırırlar. Mişel Platiniyə qarşı bir iş var idi, lakin o, FİFA-nın vitse-prezidenti kimi orada göründü.

Gələndə hər şeyi yoxladım. Mən inanıram və əminəm ki, UEFA təmiz təşkilatdır. Bütün göstəricilərimizi dərc edirik, nəyə pul xərclədiyimiz məlumdur, gəlirimizin 97 faizini yenidən futbola yatırırıq.

Mən İsveçrədə vergi ödədiyimi 1000 dəfə təkrar etmişəm və ailəm İsveçrəyə köçmədiyi üçün Sloveniyada əlavə vergi ödəyirəm. Amma heç kimin vecinə deyil”

Xatırladaq ki, 55 yaşlı futbol funksioneri 2016-cı ildən UEFA-nın rəhbəri postunu tutur.