- Offside
- 13:50 26.07.2024
Bakı kənd və qəsəbələri arasında ikinci minifutbol turnirində üçüncü turun oyunları keçirilib.
Gənclər və İdman Nazirliyinin mətbuat xidmətindən 90deqiqe.Az-a verilən məlumata görə, oyunlar iki günü əhatə edib.
İlk olaraq "Əmircan" və "Bülbülə" üz-üzə gəlib. Komandalar arasında gərgin gedən mübarizə "Bülbülə"nin qalibiyyəti ilə yekunlaşıb - 6:3. Daha sonra "Yeni Suraxanı" və "Hövsan" qarşılaşması baş tutub. "Yeni Suraxanı" üstünlüyünü qoruyaraq "Hövsan"a 13:1 hesabı ilə qalib gəlib. Növbəti görüşlərdə "Şağan" "Zirə"yə 3:0, "Qala" "Türkan"a 3:1, "Qaraçuxur" "Keşlə"yə 19:1 hesabı ilə qalib gəliblər. "Əhmədli" və "Günəşli" arasında keçirilən görüşdə "Günəşli" komandası qalib olub - 12:2. "Şüvəlan" komandası "Binə"yə 1:5, "Buzovna" komandası "Mərdəkana" 1:11 hesabı ilə uduzublar.
Daha sonra turun növbəti oyunları keçirilib. "Nardaran" və "Maştağa” - 0:0, "Kürdəxanı" və "Pirşağı" - 0:0 komandaları arasında keçirilən görüşlərdə hesab açılmayıb. "Sabunçu" və "Ramana" arasında reallaşan görüş bərabər hesabla yekunlaşıb - 2:2. "Zabrat" və "Balaxanı" arasında baş tutan görüş "Zabrat" komandasının qalibiyyəti ilə bitib - 2:1. "Mehdiabad" və "Aşağı Güzdək" arasında keçirilən qarşılaşmada hesab açılmayıb - 0:0. "Görədil" "Məmmədli" komandasına 1:2 hesabı ilə məğlub olub. "Biləcəri" "Masazır" komandasına - 3:2, "Saray" isə "Binəqədi" komandasına 3:1 hesabı ilə qalib gəliblər.
Turnirdə 32 kənd və qəsəbənin 2012-2013-cü il təvəllüdlü uşaqlardan ibarət futbol komandaları 8 qrupda mübarizə aparır.
Qeyd edək ki, Gənclər və İdman Nazirliyi, Azərbaycan Futbol Federasiyaları Assosiasiyası və Bakı Abadlıq Xidmətinin birgə təşkilatçılığı ilə keçirilən yarışlara mayın 10-da final qarşılaşması ilə yekun vurulacaq.