Paris-2024: Anna pley-offda, Ruslan 1/8 finala yüksəlib

Azərbaycanlı sablyaçı Anna Başta Paris-2024 Yay Olimpiya Oyunlarının təsnifat yarışında iştirak edir.

90deqiqe.az xəbər verir ki, qılıncoynadanımız lisenziya uğrunda Lüksemburqda mübarizə aparır.

İdmançılar hərəsində 6 nəfər olmaqla 2 qrupda mübarizə aparıblar. Annanın qrup mərhələsindəki rəqibləri Ketlin Maksvell (Böyük Britaniya), Zoya Mariya Baldo (Xorvatiya), Julyen Kortein (Belçika), Ana Kampos (Portuqaliya) və Malqorzata Kovalçuk (Polşa) olub. O, bütün rəqiblərinə qalib gələrək, pley-offa lider kimi yüksəlib.

Anna 1/4 finalda Malqorzata Kovalçuk (Polşa) - Salome Berger (Lüksemburq) görüşünün qalibi ilə qarşılaşacaq.

Kişi sablyaçıların yarışında Ruslan Həsənov qrup mərhələsini uğurlu başa vurub. 3 qələbə və 3 məəğlubiyyət alan sablyaçımız 1/16 finala vəsiqə qazanıb. Litvalı Arnas Salokasa 15:9 hesabı ilə qalib gələn Ruslan 1/8 finalda Migel Frazao ilə üz-üzə gələcək.

Qeyd edək ki, 13 sablyaçı arasından ən güclü Parisə bilet qazanacaq.