Fyuri hərəkətə keçdi: Revanş olacaq!

Ağır çəkidə keçmiş dünya çempionu Tayson Fyurinin promouteri Bob Arum açıqlayıb ki, o, Aleksandr Usıkla revanş döyüşü üçün müqavilədəki bəndi rəsmən aktivləşdirib.

90deqiqe.Az xəbər verir ki, İlk döyüşdə Usık qələbə qazanıb. Arum revanş döyüşünün bu ilin sonu və ya gələn ilin əvvəlində Ər-Riyadda baş tutacağını bildirib.

"Gələn il azarkeşlər Tayson Fyuri ilə onun həmyerlisi və keçmiş dünya çempionu Entoni Coşua arasında çoxdan gözlənilən meqa-döyüşü gözləyə bilərlər.Bu döyüş baş verməlidir; bu barədə çox danışılıb, xüsusən də, Britaniyada. Döyüş gələn ilin ortalarında Britaniyanın "Uembli" stadionunda baş tutmasa, çox təəccüblənəcəm"-deyə, Arum əlavə edib.