Avropa çempionatı: Azərbaycan millisi ikinci qələbəsini qazandı - YENİLƏNİB

Azərbaycanın minifutbol millisi Bosniya və Herseqovinanın paytaxtı Sarayevoda təşkil olunan Avropa çempionatında növbəti oyununu keçirib.

90deqiqe.Az-ın məlumatına görə, Elşad Quliyevin rəhbərlik etdiyi komanda İtaliya kollektivi ilə üz-üzə gəlib. Görüş yığmamızın 2:1 hesablı qələbəsi ilə başa çatıb.

Millimizin heyətində 19-cu dəqiqədə Rəvan Kərimov, 45-ci dəqiqədə isə Mirmehdi Rzayev fərqlənib. İtaliyanın yeganə qoluna isə 18-ci dəqiqədə Vasçelo imza atıb.

Qeyd edək ki, Azərbaycan millisi dünən ilk matçında Belçikaya (3:0) qalib gəlib. İtaliya isə Fransaya uduzub - 1:3. Elşad Quliyevin yetirmələri iyunun 4-də Fransa ilə qarşılaşacaq.

***

Azərbaycan minifutbol millisi bu gün Sarayevoda keçirilən Avropa çempionatında İtaliya ilə qarşılaşacaq

90deqiqe.Az xəbər verir ki, Elşad Quliyevin rəhbərlik etdiyi komanda ikinci oyununu keçirəcək və matç Bakı vaxtı ilə saat 19:00-da başlayacaq.

F qrupunun digər oyununda Fransa Belçika ilə qarşılaşacaq. Qeyd edək ki, Azərbaycan yığması ilk oyununda Belçikanı 3:0 hesabı ilə məğlub edib.

Avropa çempionatı

19:00. Azərbaycan – İtaliya - 2:1

Qol: Rəvan Kərimov, 19; Mirmehdi Rzayev, 45; Vasçelo, 18