Olimpiya çempionu altıncı dəfə Avropa qızılını qazanıb

Norveçin Olimpiya çempionu Yakob İnqebriqtsen, Romada 1500 metr yarışında rekord - altıncı Avropa çempionluğunu qazanıb.

90deqiqe.Az xəbər verir ki, 23 yaşlı atlet, finiş xəttini 3:31.95 saniyə ilə keçibvə Avropa çempionatında ən çox mükafat qazanmış kişi atlet olub. 

"Bugün qalib olmaq önəmlidir. Eyni zamanda, hər verilən suala cavab axtarırdım. Bugün bir çox yaxşı cavablar aldım," deyə o bildirib. 

Belçikalı Yohem Vermeulen 3:33.30 vaxtı ilə ikinci yeri tutarkən, İtalyan Pietro Arese 3:33.34 saniyə ilə üçüncü olub. 

İnqebriqtsenin, bu il Paris Olimpiadasında britanıyalı Con Kerr ilə maraqlı rəqabəti gözlənilir.