- Offside
- 22:14 21.06.2024
Azərbaycan millisi Binə Atçılıq Mərkəzində keçirilən çövkən üzrə dünya çempionatında finala vəsiqə qazanıb.
90deqiqe.Az xəbər verir ki, qrup mərhələsindəki sonuncu oyunda Özbəkistanla üz-üzə gələn yığmamız rəqibinə 7:0 hesabı ilə qalib gəlib.
Bununla da qrup mərhələsində bütün oyunları qələbə ilə başa vuran komanda finala adlayıb.B qrupunu lider kimi tamamlayan yığmamız həlledici oyunda Mərakeş komandası ilə qarşılşacaq.
A və B qrupunda ikinci yeri tutan Özbəkistan və Nigeriya komandaları üçüncülük uğrunda qarşılaşacaqlar. Hər iki oyun iyunun 16-da keçiriləcək.
Qeyd edək ki, milli qrupda keçirdiyi əvvəlki oyunlarda Qazaxıstan, Türkiyə və Maltanı 5:0 hesabı ilə məğlub edib.