Çimərlik voleybolu üzrə Azərbaycan çempionatlarının qalibləri mükafatlandırılıblar

Çimərlik voleybolu üzrə Azərbaycan çempionatlarının qalibləri mükafatlandırılıblar.

90deqiqe.Az xəbər verir ki, Bakı Su İdman Sarayında təşkil olunan mərasimdə qızıl medalları komandalara Azərbaycan Voleybol Federasiyasının vitse-prezidenti Bəhruz Quliyev təqdim edib.

Həm kişi, həm də qadın çimərlik voleybolu üzrə ölkə çempionatının qalibi olan “Azərreyl -1”in hər iki komandasına çempionluq kuboku və qızıl medallar verilib.

Kişi voleybolçular arasında gümüş medallar "Azərreyl-3", bürünc mükafatlar isə "Azərreyl -2" komandasına təqdim olunub.

Qadınların yarışında isə "Murov Az Terminal" ikinci, "Milli Aviasiya Akademiyası" üçüncü yerin sahibi olaraq mükafatlandırılıb.

Ölkə birinciliyində 9 qadın, 10 kişi komandası iştirak edib. Reqlamentə əsasən, hər klub yarışda iki komanda ilə təmsil olunub.

Qeyd edək ki, ölkə birinciliyinin qalibi olan komandalar klublararası Avropa çempionatına iştirak hüququ qazanıblar.