Cokoviç 1988-ci ildən bəri Olimpiadanın 1/4 finalına çıxan ən yaşlı oyunçu oldu

Serbiyalı dünyanın 2 nömrəsi Novak Cokoviç 1988-ci ildə tennis Yay Olimpiya Oyunlarına qayıtdıqdan sonra kişilər arasında təkbətək yarışlarda Olimpiadanın 1/4 finalına yüksələn ən yaşlı tennisçi olub.

90deqiqe.Az xəbər verir ki, Parisdə keçirilən Olimpiya Oyunlarında kişilərin təkbətək tennis turnirinin üçüncü turunda Novak Cokoviç dünyanın 70-ci raketkası, alman tennisçisi Dominik Köpferə 7:5, 6:3 hesabı ilə qalib gəlib.

Paris Olimpiadasının 1/4 finalında Novak Cokoviç üçüncü mərhələdə argentinalı tennisçi Sebastian Baezə 7:5, 6:1 hesabı ilə qalib gələn dünyanın 11-ci raketkası, Yunanıstandan olan tennisçi Stefanos Tsitsipasla qarşılaşacaq.

2024-cü il Olimpiya Oyunları avqustun 11-dək davam edəcək. Yarışda Rusiyadan 15 idmançı neytral idmançı kimi iştirak edir. Daha çox idmançı BOK-dan icazə aldı, lakin bəziləri özləri Olimpiadada iştirakdan imtina etdilər.