Ronaldo UFC və boks arasında seçim etdi - FOTOLAR

Portuqaliya millisinin və "Əl-Nəsr"in hücumçusu Kriştiano Ronaldo UFC/MMA və boks arasında seçim edib.

90deqiqe.Az xəbər verir ki, 39 yaşlı forvard "YouTube" kanalında baş jestindən istifadə edərək müxtəlif idman növləri, o cümlədən UFC/MMA və boks arasında seçim etdiyi bir video yayımlayıb.

Kriştiano uzun müddət tərəddüd etmədən UFC/MMA-ya üstünlük verib.

Ötən mövsüm portuqaliyalı bütün turnirlərdə 45 matçda iştirak edib, 44 qol vurub, 13 məhsuldar ötürmə edib. Kriştiano Ronaldonun klubla hazırkı əmək müqaviləsi 2025-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 15 milyon avrodur.

Son nömrəli UFC turnirində gecənin əsas hadisəsi nigeriyalı İsrail Adesanya ilə cənubi afrikalı Drikus du Plessis arasında döyüş olub. Mübarizə dördüncü raundda Drikusun qalib gəlməsi ilə başa çatıb.