Belarus prezidenti Aleksandr Lukaşenko Sabalenkanı təbrik edib

Belarus prezidenti Aleksandr Lukaşenko tennisçi Arina Sabalenkanı “US Open 2024” turnirində qələbəsi münasibətilə təbrik edib.

90deqiqe.Az xəbər verir ki,“Birinci teleqram kanalının hovuzu”  Lukaşenkonun təbrikini belə çatdırıb.

“Dünya reytinqlərinin liderləri ilə gərgin döyüşlərdə siz bütün ən yaxşı idman keyfiyyətlərinizi göstərdiniz.Əminəm ki, yarışın keçirildiyi hər yerdə yerli azarkeşlərinizin enerjisini və isti dəstəyini hiss etdiniz. Sizə cansağlığı və yeni qələbələr arzulayıram”

Xatırladaq ki, finalda Arina dünyanın altıncı raketkəsi amerikalı Cessika Pequlanı 7:5, 7:5 hesabı ilə məğlub edib. .

26 yaşlı Aryna Sabalenka karyerasında üçüncü Böyük Dəbilqə turnirinin qalibi olub. O, karyerasında ilk dəfə ABŞ Açıq çempionu olub. Bundan əvvəl belaruslu iki dəfə - 2023 və 2024-cü illərdə Avstraliya Açıq çempionatının qalibi olub.