Marselo bu il "Qızıl top"u kimin qazanacağını açıqlayıb

“Real Madrid”in keçmiş müdafiəçisi Marselo 2024-cü ildə “Qızıl top”u kimin qazanmalı olmasından danışıb.

90deqiqe.Az xəbər verir ki, Marselo "TNT Sports"a bildirib ki, "Real Madrid"in ulduzu həmyerlisi Vinisius Junior bu il mütləq "Qızıl Top"u qazanmalıdır. “Los Blancos”un keçmiş müdafiəçisi qeyd edib ki, Rodriqonun 30 namizəd siyahısına niyə daxil edilmədiyini tam başa düşmür.

“Düşünürəm ki, böyük səhvə yol verilib. Rodriqo şübhəsiz ki, dünyanın 15, hətta 10 ən yaxşı oyunçusundan biridir”, - deyə Marselo əlavə edib.

Xatırladaq ki, ekspertlər builki “Qızıl top”un favoritləri arasında Vinisius Junior, Jude Bellinqhem, Daniel Karvaxal və Rodri Hernandezin adını çəkirlər.