“2025-ci il klub futbolunda yeni eranın başlanğıcı olacaq"

FİFA prezidenti Canni İnfantino 2025-ci ilin yayında ABŞ-da yenilənmiş formatda keçiriləcək klublararası dünya çempionatı ilə bağlı fikirlərini bölüşüb.

90deqiqe.Az xəbər verir ki, bu barədə o, "FİFA"nın rəsmi saytına müsahibəsində danışıb.

“2025-ci il klub futbolunda yeni eranın başlanğıcı olacaq. FİFA ABŞ-da keçiriləcək ən böyük və əhatəli klub turnirini təşkil edir. 2025 FIFA Klublararası Dünya Çempionatı 12 möhtəşəm stadionda keçiriləcək və burada dünyanın 32 aparıcı klubunun ən yaxşı oyunçuları futbol tarixində yeni səhifə yazacaqlar. Bu turnir Afrika, Asiya, Mərkəzi və Şimali Amerika və Okeaniya komandalarını bir araya gətirərək, Avropa və Cənubi Amerikanın top klublarına qarşı mübarizə aparmaq şansı qazanacaq klub futbolunda əsl həmrəyliyin və inklüzivliyin unikal nümunəsi olacaq. Bu çempionat klub futbolunun inkişafına və bütün dünyada yeni istedadların kəşf edilməsinə böyük təsir göstərəcək”