- Offside
- 13:25 24.11.2024
Çimərlik futbolu üzrə Azərbaycan milli komandası dünya çempionatının seçmə mərhələsində ilk oyununu keçirib.
90deqiqe.Az AFFA-nın rəsmi saytına istinadən xəbər verir ki, yığma İspaniyanın Kadis şəhərində İngiltərə kollektivi ilə üz-üzə gəlib. Görüş millimizin 4:0 hesablı qələbəsi ilə başa çatıb.
Millinin qələbə qollarını Sabir Allahquliyev (2), Orxan Məmmədov və Amid Nəzərov vurublar.
Qeyd edək ki, A qrupunda yer alan yığmamız oktyabrın 5-də Bakı vaxtı ilə saat 14:45-də Gürcüstan, iki gün sonra isə saat 20:00-da İspaniya ilə üz-üzə gələcək.
