- Offside
- 14:55 22.10.2024
Azərbaycanın minifutbol üzrə U-23 millisi Xorvatiyanın Malıy Loşin şəhərində təşkil olunan dünya çempionatının qrup mərhələsində növbəti oyununa çıxıb.
90deqiqe.Az xəbər verir ki, Hindistanın müvafiq yaş qrupundan ibarət komandası ilə qarşılaşan yığmamız bu görüşdə 16:0 hesabı ilə qalib gəlib.
Rəcəb Fərəczadənin baş məşqçisi olduğu kollektiv ilk oyunda Serbiyanın U-23 yığmasına 1:5 hesabı ilə məğlub olub. Hindistan millisi isə Çexiyaya müqavimət göstərə bilməyib - 1:26.
Qeyd edək ki, Azərbaycan millisi sabah Çexiya ilə üz-üzə gələcək.
