Azərbaycan klubu Avropa Kubokunun qalibi adını qazanıb

"Azərreyl" klubunun kişilərdən ibarət komandası Fransanın Monpelye şəhərində keçirilən çimərlik voleybolu üzrə klublararası Avropa Kubokunun qalibi adını qazanıb.

90deqiqe.Az xəbər verir ki, komanda həlledici matçda İspaniyanın “CVP Poniente Benidorm Alicante“ komandası ilə qarşılaşıb.

İki görüşün birində "Azərreyl" (2:1), digərində İspaniya təmsilçisi (2:1) qalib gəlib. Çempionu müəyyən etmək üçün keçirilən qızıl setdə 15:12 hesabı ilə üstün olan təmsilçimiz Avropa Kubokunda çempion olub.

Qeyd edək ki, "Azərreyl"in qadınlardan ibarət komandası da Avropa Kubokunun qalibi adını qazanıb.