AFFA-ın təşkilatçılığı ilə yeni məşqçilik kursuna start verilib

AFFA-nın təşkilatçılığı, UEFA-nın dəstəyi ilə “D” kateqoriyalı məşqçi kurslarına keçirilməsinə başlanılıb.

90deqiqe.Az xəbər verir ki, Ağcabədi şəhərinin Olimpiya İdman Kompleksində keçirilən kursa 20 nəfər cəlb olunub. AFFA-nın Kütləvi Futbol Departamentinin rəhbəri Fərrux İsmayılov və mütəxəssis Orxan Mikayıllı iştirakçılara kursun mahiyyəti haqqında danışıb. Kursun ilk günündə AFFA-nın məşqçi kurslarının təlimatçısı İlham Əzizzadə və Fərrux İsmayılov tərəfindən iştirakçılara ilkin futbol bilikləri haqqında məlumat verilib.

Xatırladaq ki, kurs 3 gün davam edəcək.