Bekhem ona özünü xatırladan futbolçunun adını çəkib

"Mançester Yunayted", "Real Madrid" və İngiltərə millisinin keçmiş yarımmüdafiəçisi Devid Bekhem hazırkı futbolçulardan kimin ona özünü xatırlatması ilə bağlı açıqlama verib.

90deqiqe.Az-ın məlumatına görə, 49 yaşlı sabiq futbolçu bu barədə Rio Ferdinandın podkastında danışıb.

"Əgər mənə oxşayan bir oyunçu seçməli olsaydım, bu Trent Alexander-Arnold olardı"

Xatırladaq ki, mətbuatda Trent Alexander-Arnoldun mövsüm başa çatdıqdan sonra azad agent kimi "Liverpul"dan "Real Madrid"ə keçməyə razı olduğu haqda xəbərlər yayılıb.

Alexander-Arnold "Liverpul"un yetirməsidir. Bu mövsüm müdafiəçi "qırmızılar"ın heyətində İngiltərə çempionatında 7 oyun keçirib və bu oyunda bir məhsuldar ötürmə edib və iki sarı vərəqə alıb. Trentin transfer dəyəri hazırda ekspertlər tərəfindən 70 milyon avro dəyərində qiymətləndirilir.