2025-ci ildə “Qızıl top”a əsas iddiaçıların adı açıqlanıb

"Goal.com" 2025-ci ildə “Qızıl top”a əsas namizəd olacaq futbolçuların reytinq cədvəlini hazırlayıb.

90deqiqe.Az xəbər verir ki, gələn il üçün ilkin reytinqdə birinci yeri “Barselona”nın təcrübəli polşalı hücumçusu Robert Levandovski tutur. Sonrakı yerdə Kataloniya klubunun digər oyunçusu, yəni gənc ispan yarımmüdafiəçisi Lamin Yamal olub. İlk üçlüyü “Real Madrid”dən braziliyalı Vinisius Junior tamamlayır.

İlk 5-liyə “Mançester Siti”dən Erlinq Haaland və “Barselona”dan Rafinha Diaz da düşüb.

Xatırladaq ki, bu il “Qızıl top” “Mançester Siti”dən ispaniyalı Rodri Ernandesə nəsib olub. İlk üçlüyü “Real Madrid”dən Vinisius Junior və Cud Bellinqem tamamlayıb.