Türkiyənin tanınmış gimnastı Bakıya gələcək

Türkiyənin məşhur idman gimnastı, dünya və Avropa çempionatının gümüş medalçısı Əhməd Öndər Bakıda ustad dərsləri keçəcək.

Azərbaycan Gimnastika Federasiyasından 90deqiqe.Az-a verilən məlumata görə, iştirakçılar onun məşq metodikası, texnikası və dünya səviyyəsindəki təcrübələrindən faydalanacaqlar.

Ustad dərsləri həm gimnastlar, həm də bu sahəyə yeni başlayanlar üçün nəzərdə tutulub. Dərslərdə bütün yaş kateqoriyaları üzrə gimnastlar iştirak edə bilərlər.

Dərslər dekabrın 6-da Milli Gimnastika Arenasında, 7-si isə Heydər Əliyev adına İdman Konsert Kompleksində təşkil olunacaq.