"Aspinalın Reyesdən heç bir fərqi yoxdur"

Ağır çəkidə UFC çempionu titulunun hazırkı sahibi (120 kq-a qədər), amerikalı Con Cons ağır çəkidə müvəqqəti UFC çempionu, ingilis Tom Aspinall haqqında fikirlərini bölüşüb.

90deqiqe.Az xəbər verir ki, "ESPN"  37 yaşlı döyüşçünün dediklərini belə çatdırıb.

“Mənim üçün Aspinall Ovins Saint Preux, Dominik Reyes və ya Antoni Smitdən fərqlənmir. O, ictimaiyyətin hazırda maraqlandığı daha bir yüksələn döyüşçüdür. Mən irsimi maraq naminə riskə atmayacağam. Mən öz tərcümeyi-halımda yalnız əfsanələr istəyirəm"

Xatırladaq ki, Consun növbəti döyüşü keçmiş UFC ağır çəki çempionu Stipe Mioçiçə qarşı olacaq. Döyüş noyabrın 17-də Nyu Yorkda, Madison Square Garden arenasında keçiriləcək UFC 309-da baş tutacaq. Onların döyüşü gecənin əsas hadisəsi olacaq. Bu, Consun ilk ağır çəkidə titul müdafiəsi olacaq.