Qadın voleybolçular arasında Azərbaycan çempionatında III turun oyunları keçirilib

Qadın voleybolçular arasında Azərbaycan Yüksək Liqasında III turun oyunları keçirilib.

90deqiqe.Az-ın məlumatına görə, bütün qarşılaşmalar eyni gündə baş tutub.

“Milli Aviasiya Akademiyası” “Abşeron”la görüşdə 3:2 hesablı məğlub olub.

"Gəncə" kollektivi "Murov Az Terminal"ı, "Azərreyl" isə UNEC komandasını 3:0 hesabı ilə üstələyib.

Qeyd edək ki, üç turdan sonra birinci, ikinci pillələri bölüşən"Abşeron" və "Azərreyl"in 8 xalı var. “Gəncə” və “Murov Az Terminal” 4, “Milli Aviasiya Akademiyası” isə 3 xala malikdir. Bütün görüşlərdə məğlub olan UNEC isə xalsızdır.