"Puşkaş" mükafatı sahibini tapdı

"Mançester Yunayted"in vingeri Alexandro Qarnaço "Ferens Puşkaş" mükafatına layiq görülüb.

90deqiqe.Az xəbər verir ki, argentinalı hücumçu “The Best FIFA Football Awards” tədbirində mükafatlandırılıb.

Ötən mövsümün nəticələrinə əsasən, 20 yaşlı argentinalının İngiltərə Premyer Liqasının 13-cü turunun “Everton”la matçda (3:0) vurduğu qol ən yaxşısı kimi tanınıb.

Xatırladaq ki, Qarnaço qolunu üzərinə yıxılarkən vurmuşdu. Bu gün FİFA 2023/24 mövsümünün sonunda ən yaxşı futbolçuların mükafatlandırılması mərasimini keçirir.

Əlavə edək ki, bu mükafat hər il Beynəlxalq Futbol Federasiyası (FIFA) tərəfindən mövsümün ən gözəl qolu üçün verilir.