İlin ən yaxşı qapıçısı bəlli oldu

FIFA ilin ən yaxşı qapıçısının adını açıqlayıb.

90deqiqe.Az xəbər verir ki, hazırda keçirilən "The Best" mükafatının təqdim edilməsi mərasimində “Aston Villa”nın və Argentina millisinin qapıçısı Emiliano Martinez FİFA-nın “The Best” mükafatında ilin qapıçısı seçilib.

Ötən yay Martinez Argentina millisinin tərkibində Amerika kubokunun qalibi olub.

2023/2024 mövsümündə 32 yaşlı futbolçu klub səviyyəsində 47 matçda iştirak edib, 15-də qapını təmiz saxlayıb. Argentinalı qolkiper son üç ildə ikinci dəfə FİFA-nın ən yaxşı qapıçısı seçilib.

Futbolçunun klubla hazırkı əmək müqaviləsi 2029-cu ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 25 milyon avrodur.