Uayt Mahaçevin yeni rəqibinin adını açıqladı

Qarışıq döyüş növləri (MMA) üzrə braziliyalı döyüşçü Renato Moikano rusiyalı İslam Mahaçevlə döyüşdə Arman Tsarukyanı əvəz edəcək.

90deqiqe.Az xəbər verir ki, bu barədə UFC prezidenti Dana Uayt məlumat verib.

Döyüş UFC 311 turnirində baş tutacaq. Daha əvvəl Tsarukyanın zədəli olduğu bildirilirdi.

Ümumilikdə, Mahaçev qarışıq döyüş növləri üzrə 27 döyüş keçirib, bu döyüşlərdə 26 qələbə qazanıb və bir məğlubiyyətlə üzləşib. Moikanoda 20 qələbə, beş məğlubiyyət və bir heç-heçə var.

Xatırladaq ki, UFC 311-in birgə əsas yarışında rusiyalı Umar Nurməhəmmədov və Gürcüstan təmsilçisi Merab Dvalişvili çıxış edəcək.