Ronaldo dubla imza atdı, komandası...

Səudiyyə Ərəbistanı çempionatında 16-cı turun "Əl-Xalic" və "Əl-Nəsr" komandalarının qarşılaşması başa çatıb.

90deqiqe.Az-ın məlumatına görə, Şahzadə Məhəmməd bin Fəhd stadionunda baş tutan qarşılaşma 3:1 hesabı ilə "Əl Nəsr"in xeyrinə başa çatıb.

"Əl-Nəsr"in hücumçusu Kriştiano Ronaldo 65-ci dəqiqədə hesabı açıb. 80-ci dəqiqədə “Əl-Xalic”in hücumçusu Kostas Fortunis bərabərliyi bərpa edib. Bir dəqiqə sonra müdafiəçi Sultan Əl-Qannam "Əl-Nəsr"i hesabda irəli çıxarıb. 90+8-ci dəqiqədə Ronaldo dubla imza ataraq yekun hesabı müəyyənləşdirib.

Ronaldonun bu matçda vurduğu ikinci qolu karyerasının 919-cu qolu olub. Hücumçu klub səviyyəsində 784, Portuqaliya millisində isə 135 qol vurub.