FİDE rus şahmatçılarına turnirlərdə iştirak etməyinə icazə verdi

Beynəlxalq Şahmat Federasiyası (FIDE) Rusiya və Belarusun yaşı 18-dən aşağı olan nümayəndələrinə komanda turnirlərində çıxış etməyə icazə verib.

90deqiqe.Az xəbər verir ki, bu barədə qurumun rəsmi saytında məlumat verilib.

Qeyd olunur ki, FİDE həssas qrupların FİDE-nin himayəsi altında keçirilən bütün yarışlarda iştirakına icazə vermək üçün mövcud məhdudiyyətlərə qismən yenidən baxılmasının mümkünlüyü ilə bağlı tövsiyələr almaq üçün Beynəlxalq Olimpiya Komitəsinə (BOK) müraciət edib.

FİDE həmçinin Rusiya və Belarusdan olan fiziki məhdudiyyətli şahmatçıların komanda yarışlarında neytral kimi iştirakına icazə verib.

Xatırladaq ki, daha əvvəl Beynəlxalq Şahmat Federasiyasının (FİDE) Baş Assambleyası beynəlxalq komanda yarışlarına Rusiya və Belarusdan 12 yaşa qədər uşaqlar və sağlamlıq imkanları məhdud şəxsləri qəbul etmişdi.