“Son bir neçə gün inanılmaz dərəcədə çətin keçdi"

Yarımmüdafiəçi Radca Nainqqolan azadlığa çıxdıqdan sonra şəxsi sosial şəbəkəsində paylaşım edib.

90deqiqe.Az-ın məlumatına görə, futbolçu paylaşımında bunları qeyd edib.

“Son bir neçə gün inanılmaz dərəcədə çətin keçdi. Məni ürəkdən dəstəkləyən hər kəsə təşəkkür etmək istəyirəm.Evdəyəm, diqqətimi futbola verirəm və əqli tarazlığımı bərpa edirəm" 

Xatırladaq ki, bir neçə gün əvvəl “İnter”in və Belçika millisinin sabiq yarımmüdafiəçisi narkotik qaçaqmalçılığı ehtimalı ilə bağlı həbs olunmuşdu. Lakin dindirildikdən sonra Raca sərbəst buraxılıb. Yeri gəlmişkən, yanvarda Radca Belçikanın “Sportinq Lokeren” klubu ilə müqavilə imzalayıb.