Mayk Taysonun ən böyük məyusluğu

Keçmiş mütləq dünya çempionu, amerikalı Mayk Tayson boks karyerasında ən böyük məyusluq hesab etdiyi sualı cavablandırıb.

90deqiqe.Az xəbər verir ki, “World Boxing News” Taysonun dediklərini belə çatdırıb.

- Karyeranızda “Ah, o vaxt qalib gəlməyi çox istəyirdim” dediyiniz məğlubiyyət olubmu?

- Bəli. Olimpiya qızılını qazanmaq istəyirdim, lakin təsnifat döyüşlərində uduzdum və Olimpiadaya getmədim. Mənim üçün bu, ən böyük məyusluqdur”

1984-cü il Los-Anceles Olimpiadasının seçmə mərhələsində Tayson üç döyüşdə qalib gəlib və finala yüksəlib və burada Henri Tillmanla qarşılaşıb. Onların iki davası olub. Henri hər döyüşdə yaxın qərarla qalib gəlib.

Nəticədə, 91 kq çəki dərəcəsində qızıl medal qazandığı Olimpiadaya seçilən Tillman olub.