Azərbaycanın olimpiya mükafatçısı taekvondo üzrə beynəlxalq turnirdə 2-ci yeri tutub

Taekvondo üzrə böyüklərdən ibarət Azərbaycan millisinin üzvləri Belçikanın Lommel şəhərində keçirilmiş “Belgian open” turnirində 6 medal qazanıblar.

Azərbaycan Taekvondo Federasiyasından 90deqiqe.Az -a verilən məlumata görə, bunlardan 1-i qızıl, 1-i gümüş, 4-ü bürünc mükafatdır.

Bəhruz Quluzadə (54 kiloqram) bütün rəqiblərinə qalib gələrək fəxri kürsünün ən yüksək pilləsinə qalxıb. “Paris-2024” Yay Olimpiya Oyunlarının gümüş mükafatçısı Qaşim Maqomedov (63 kiloqram) ikinci, Xıdır Məmmədov (54 kiloqram), Səyyad Dadaşov (58 kiloqram), Eltac Qafarov (87 kq) və Səmərrux Osmanova (49 kiloqram) üçüncü yeri tutub.