Özbəkistanda Xusanova bahalı avtomobil hədiyyə edilib

“Mançester Siti”nin və Özbəkistan millisinin müdafiəçisi Abdulkodir Xusanov bahalı avtomobil hədiyyəsi alıb.

90deqiqe.Az-ın məlumatına görə, futbol rəsmisi Uluqbek Asanbayev, 21 yaşlı futbolçuya qara rəngli “Mercedes-Benz Gelandewagen” markalı avtomobili hədiyyə edib.

Xatırladaq ki, Xusanov qış transfer pəncərəsində Fransanın “Lill” klubundan “Mançester Siti”yə keçib. Transfermarkt-ın məlumatına görə, müqavilə 40 milyon avro dəyərində idi. Abdulkodir, "şəhərlilər"lə 2029-cu ilin iyun ayının sonuna qədər uzunmüddətli əmək müqaviləsi imzalayıb.

Bu mövsüm Xusanov “Mançester Siti”nin heyətində səkkiz matçda iştirak edib, bir qol vurub.