Bürünc medal uğurunda ilk oyun baş tutub

Kişi voleybolçuların Yüksək Liqasında üçüncü yer uğrunda mübarizəyə start verilib.

90deqiqe.Az xəbər verir ki, GİN-in Voleybol Mərkəzində “Neftçi” - “Xilasedici” komandaları bürünc medal üçün ilk oyuna çıxıblar. Gərgin mübarizədə keçən görüşdə “Xilasedici” 3:0 hesabı ilə qələbə qazanıb. Bu komandaların ikinci oyunu sabah keçiriləcək.

Qeyd edək ki,reqlamentə görə qalib iki oyunun nəticəsinə əsasən müəyyən olunacaq. İki qarşılaşmadan sonra tərəflər hərəyə bir qələbə qazanarlarsa (xallar da bərabər olarsa), Qızıl set oynanılacaq.

Üçüncü yer uğrunda

(Birinci oyun)

 20 aprel

“Neftçi” - “Xilasedici” 0:3 (20:25, 22:25,17:25)