Yannik Sinner Masters turnirlərində 80-ci qələbəsini qazandı

Bu gün dünyanın bir nömrəli tennisçisi, italiyalı Yannik Sinner Romada keçirilən ATP-1000 seriyalı turnirin üçüncü raundunda niderlandlı Jesper de Yonqu 6:4, 6:2 hesabı ilə məğlub edib.

90deqiqe.Az-ın məlumatına görə, bu nəticə Sinnerin Masters turnirlərində qazandığı 80-ci qələbə olub.

İtaliyalı tennisçi bu nailiyyətə 106-cı matçında imza atıb. Bu göstəriciyə daha tez yalnız iki tennisçi nail olub – ispaniyalı Rafael Nadal (96 matç) və isveçli Stefan Edberq (103 matç).

Qeyd edək ki, turnirin dördüncü mərhələsində Sinnerin rəqibi dünyanın 18-ci raketkası olan argentinalı Fransisko Cerundolo olacaq. O, əvvəlki qarşılaşmasında avstriyalı Sebastyan Ofneri məğlub edərək növbəti mərhələyə adlayıb.