Minifutbol üzrə dünya çempionatında 1/4 final cütləri bəlli oldu

Bakıda keçirilən minifutbol üzrə dünya çempionatında 1/4 final mərhələsinin bütün cütləri müəyyənləşib.

90deqiqe.Az xəbər verir ki, bu gün Milli Gimnastika Arenasında baş tutan 1/8 final mərhələsinin oyunlarından sonra daha dörd komanda növbəti mərhələyə vəsiqə qazanıb.

Monteneqro Polşanı məğlub edərək 1/4 finala yüksəlib. Tailand Bosniya və Herseqovinaya qarşı matçda hesabı açsa da, ardıcıl üç qol buraxaraq mübarizəni dayandırıb. Çexiya isə İsraili 4:0 hesabı ilə üstələyib. Günün son oyununda Serbiya Gürcüstana 3:2 hesabı ilə qalib gəlib.

Dünya çempionatı – 1/4 final cütləri:

• Macarıstan – Mavritaniya

• Monteneqro – Çexiya

• İngiltərə – Azərbaycan

• Bosniya və Herseqovina – Serbiya

Qeyd edək ki, 1/4 final mərhələsinin qarşılaşmaları sabah baş tutacaq.