Yığmamız hollandlara uduzdu

Qadın voleybolçular arasında Avropa çempionatı davam edir.

Corner.az-ın xəbərinə görə, oyunlarını Macarıstanın paytaxtı Budapeştdə keçirən yığmamız bu gün ikinci görüşünə çıxıb. C qrupunda yer alan komandamızın rəqibi Hollandiya olub.

İlk setdə böyük fərqlə uduzan komandamızın ikinci setdə hesabı bərabərləşdirmək cəhdi də baş tutmayıb.  Üçüncü set isə sonuncu olub. 25:23 hesablı qələbə qazanan Hollandiya yığması olub.

Qeyd edək ki, millimiz ilk turda Xorvatiyanı 3:2 hesabı ilə üstələmişdi. Komandamızın növbəti rəqibi Macarıstan olacaq. Meydan sahibləri ilə qarşılaşma sabah Bakı vaxtı ilə saat 22:30-da başlayacaq.

25 avqust

Azərbaycan – Hollandiya ​0:3 (15:25, 23:25, 23:25)
Budapeşt, "Papp Laslo Sportarena".  

Azərbaycan: Yana Əzimova, Odina Əliyeva, Ayşən Abduləzimova, Olena Həsənova, Anastasiya Bessonova, Yelizaveta Səmədova, Kristina Yaqubova, Şəfaqət Alışanova, Mariya Kirilyuk, Polina Rəhimova, Marqarita Əzizova, Bəyaz Əliyeva

Hollandiya: Kristen Knip, Yvon Belien, Seleste Plak, Maret Balkestein-Grotheus, Juliet Lohus, Myrite Skott, Lonneke Slotjes, Anna Busiç, Britt Bongarts, Laura Dijkema, Marrit Jasper, Nika Dalderop, Nikola Koolhass