Salahın Bodrum restoranında ödədiyi məbləğ gündəm yaratdı - FOTO

"Liverpul" klubunun dünya şöhrətli futbolçusu Məhəmməd Salah tətil üçün Türkiyənin məşhur turizm mərkəzi Bodrumu seçib.

90deqiqe.Az-ın "Habertürk"ə istinadən məlumatına görə, misirli ulduz futbolçu ötən gün Gümüşlükdə bir balıq restoranında görüntülənib.

Salah onu çəkənlərə "Sadəcə tətil üçün gəlmişəm, izninizlə" deyərək açıqlama verib.

Bodrum gecələrini 7 nəfərlik dost qrupu ilə gəzən futbolçu bir restoranda 60 min TL-lik (təxminən 3,200 AZN) hesab ödəyib.

Məkan üçün ödənilən bu məbləğ sosial şəbəkələrdə geniş müzakirələrə səbəb olub. Bəzi istifadəçilər Bodrum standartlarına görə 7 nəfər üçün bu məbləğin az olduğunu düşünür, digərləri isə təkcə balıq üçün bu qədər vəsaiti yüksək qiymətləndirirlər.

33 yaşlı futbolçunun restorandan çıxdıqdan sonra Yalıkavakdakı bir gecə klubuna getdiyi də bildirilib.