Məşhur Britaniya nəşri "FourFourTwo" "Qızıl top" tarixində ən çox müzakirə olunan qərarların reytinqini tərtib edib.
90deqiqe.Az-ın məlumatına görə, siyahıya futbol ictimaiyyəti tərəfindən "oğurluq" kimi qiymətləndirilən 10 hal daxil edilib.
FourFourTwo versiyasına görə "Qızıl top" tarixinin ən mübahisəli 10 qərarı:
- Robert Levandovski — 2021-ci ildə Lionel Messidən, yaxud 2020-ci ildə pandemiya səbəbindən təqdim olunmayan mükafatdan məhrum olub.
- Tyerri Anri — 2003-cü ildə Pavel Nedved, 2004-cü ildə isə Andrey Şevçenkonun əvəzinə mükafat almalı idi.
- Uesli Sneyder — 2010-cu ildə Lionel Messidən üstün tutulmalı idi.
- Erlinq Holand — 2023-cü ildə Lionel Messinin yerinə layiq görülməli idi.
- Frank Riberi — 2013-cü ildə Kriştianu Ronaldoya uduzmamalı idi.
- Vircil van Deyk — 2019-cu ildə Lionel Messinin əvəzinə qalib olmalı idi.
- Kriştianu Ronaldu, Məhəmməd Salah və ya Antuan Qrizmann — 2018-ci ildə Luka Modriçin yerinə "Qızıl top" qazana bilərdi.
- Oliver Kan və ya Raul Qonsales — 2001-ci ildə Maykl Ouendən daha layiqli namizədlər kimi göstərilib.
- Ferents Puşkaş — 1960-cı ildə Luis Suaresin yerinə qalib olmalı idi.
- Canluici Buffon — 2006-cı ildə Fabio Kannavarodan üstün tutulmalı idi.
Xatırladaq ki, bir neçə gün əvvəl "Qızıl top" mükafatının yeni sahibi PSJ-nin vingeri Usman Dembele olub.
