İbrahim Əliyev Avropa çempionatında finala yüksəldi

Azərbaycanın daha bir parabadmintonçusu — İbrahim Əliyev Türkiyənin İstanbul şəhərində keçirilən Avropa çempionatında final mərhələsinə vəsiqə qazanıb.

90deqiqe.Az xəbər verir ki, idmançımız kişilərin qoşa yarışında SU-5 kateqoriyasında mübarizə aparır.

O, polşalı komanda yoldaşı Bartlomiej Mroz ilə birlikdə ispan cütlüyü — Manuel Qarsiya və Pablo Serranoya qarşı keçirdiyi görüşü 2:0 (21-16, 21-16) hesabı ilə qalib başa vuraraq finala adlayıb.

Qeyd edək ki, bundan əvvəl Azərbaycanı təmsil edən digər parabadmintonçu Zəhra Salmanlı da Avropa çempionatında finala yüksəlib.