Avropa çempionatı: Azərbaycanın kişi şahmatçılardan ibarət millisi Macarıstana qalib gəlib

Gürcüstanın Batumi şəhərində keçirilən şahmat üzrə komandalararası Avropa çempionatında 7-ci turun görüşləri keçirilib.

90deqiqe.Az-ın məlumatına görə, kişi şahmatçılardan ibarət Azərbaycan millisi bu turda Macarıstan komandasına 3:1 hesabı ilə qalib gəlib.

Eltac Səfərli Sanan Syuqirovu, Aydın Süleymanlı Benjamin Qleduranu məğlub edib. Müvafiq olaraq, Riçard Rapport və Peter Leko ilə qarşılaşan Şəhriyar Məmmədyarovla Rauf Məmmədov heç-heçəyə razılaşıblar.

Azərbaycan qadın yığması isə Gürcüstan seçməsinə 1,5:2,5 hesabı ilə uduzub. Gülnar Məmmədova Meri Arabidzeni üstələyib. Xanım Balacayeva Lela Cavakaşvili ilə heç-heçə oynayıb. Ülviyyə Fətəliyeva və Gövhər Beydullayeva isə müvafiq olaraq, Nino Batsiaşvili və Bella Khotenaşviliyə məğlub olublar.

Qeyd edək ki, 7 turdan sonra kişilərdən ibarət Azərbaycan millisi 11 xalla 2-ci, qadınların yığması isə 8 xalla 10-cu pillədə qərarlaşıb.