“Ədliyyə” minifutbol komandası beynəlxalq yarışda qalib olub

Birləşmiş Ərəb Əmirliklərinin Dubay şəhərində dövlət qurumlarının əməkdaşları arasında II Dünya Korporativ Oyunlarının minifutbol yarışları keçirilib. 

Ədliyyə Nazirliyinin mətbuat xidmətindən 90deqiqe.Az-a verilən məlumata görə,turnirdə Azərbaycanı Ulu Öndər Heydər Əliyevin xatirəsinə həsr olunmuş dövlət qurumları arasında III minifutbol turnirinin qalibi olmuş Ədliyyə Nazirliyinin komandası təmsil edib. Finalda Ədliyyə Nazirliyinin komandası Rusiya təmsilçisini 1:0 hesabı ilə məğlub edərək oyunların qalibi olub.

Komandanın üzvü Ruslan Vəliyev isə turnirin “Ən yaxşı müdafiəçisi” adına layiq görülüb.