Kriştiano Ronaldo klub səviyyəsində 800-cü qolunu vurdu

Səudiyyə Ərəbistanı çempionatının 5-ci turunda keçirilən “Əl-Nəsr” – “Əl-Fateh” (5:1) oyununda Kriştiano Ronaldo tarixə düşüb.

90deqiqe.Az-ın məlumatına görə, portuqaliyalı hücumçunun vurduğu qol onun klub karyerasındakı 800-cü topu olub.

Beləliklə, 40 yaşlı futbolçu bu göstəriciyə çatan ilk oyunçu kimi futbol tarixində yeni rekorda imza atıb.

Beşqat “Qızıl top” sahibi Ronaldu indiyədək klub səviyyəsində:

• 450 qol – “Real Madrid”,

• 145 qol – “Mançester Yunayted”,

• 101 qol – “Yuventus”,

• 99 qol – “Əl-Nəsr”,

• 5 qol – “Sportinq” heyətində vurub.

Ümumilikdə, portuqaliyalı ulduz karyerası ərzində klub və yığma komandaların heyətində 949 qolla yadda qalıb.

Qeyd edək ki, Kriştiano Ronaldonun “Əl-Nəsr” klubu ilə mövcud müqaviləsi 2027-ci ilin yayına qədər qüvvədədir. Transfermarkt portalının məlumatına görə, futbolçunun bazar dəyəri 12 milyon avro təşkil edir.