“Zəif tərəflərimi güclü tərəfə çevirmək turnirin ən yaddaqalan anı oldu”

Beşqat “Böyük Dəbilqə” qalibi, sabiq dünya birincisi Maria Şarapova karyerasında ən dəyərli qələbəsini açıqlayıb.

90deqiqe.Az xəbər verir ki, "The Tennis Gazette" Şarapovanın dediklərini belə çatdırıb.

“Fransa Açıq çempionatında qazandığım qələbə sayəsində karyeramda ‘Böyük Dəbilqə’ni tamamladım. Bu qələbənin gücünü hiss edəcəyimi gözləmirdim, amma çox böyük bir an oldu, çünki örtük çox çətin idi və bütün zəif tərəflərimi üzə çıxarırdı. Minlərlə azarkeş qarşısında oynayan idmançı üçün oyunundakı konkret zəifliyi görüb onu güclü tərəfə çevirmək çox böyük bir an idi.”

Qeyd edək ki, Şarapova karyerası ərzində dörd fərqli “Böyük Dəbilqə” turnirində qalib olub.