Bədii gimnastika üzrə 30-cu Bakı çempionatı yekunlaşıb

Noyabrın 28–30-da Milli Gimnastika Arenasında keçirilən bədii gimnastika üzrə 30-cu Bakı çempionatı yekunlaşıb.

90deqiqe.Az xəbər verir ki, üç gün davam edən yarışda “Ocaq Sport”, “Grasiya İdman Klubu”, Bakı Gimnastika Məktəbi, Respublika Kompleks İdman Məktəbi, Su İdman Sarayı və Zirə Mədəniyyət Mərkəzinin gimnastları çıxış ediblər.

Çempionatda balacalar (2015, 2016, 2017-ci il), yeniyetmələr (2012, 2013, 2014-cü il) və gənclər (2010, 2011, 2009-cu il və daha böyük) yaş kateqoriyalarında idmançılar lent, halqa, top və gürzlərlə proqramlarını təqdim ediblər.

Yarışın ilk günündə təsnifat mərhələsi keçirilib. İkinci gündə balacalar və yeniyetmələr arasında müxtəlif alətlər üzrə qaliblər müəyyənləşdirilərək mükafatlandırılıb. Sonuncu gündə isə yeniyetmələr və gənclər arasında final mərhələsi baş tutub.

Final mərhələsinin nəticələrinə əsasən, ən yüksək xal toplayan gimnastlar öz yaş kateqoriyalarında ilk “üçlük”də qərarlaşıblar.