"Araz-Naxçıvan" mübarizəni dayandırıb

Futzal üzrə UEFA Çempionlar Liqasının 1/8 final mərhələsində "Benfika" (Portuqaliya) ilə cavab matçına çıxıb.

90deqiqe.Az  xəbər verir ki, Portuqaliyanın paytaxtı Lissabondakı "Pavilyao Fidelidade"də baş tutan görüşdə "Araz-Naxçıvan" 2:4 hesabı ilə məğlub olub.

Portuqaliya klubunun heyətində İqor de Souza (9.24-cü dəqiqə), Andre Koelyo (28.57-ci dəqiqə) və Anilton Silva (34.28, 35.40-cı dəqiqələr) fərqləniblər.

Naxçıvan təmsilçisində isə Luicci Lonqo (35.52-ci dəqiqə) və Ədalət Ələkbərov (39.40-cı dəqiqə) rəqib qapısına yol tapıblar.

Qeyd edək ki, komandalar arasında Bakıda keçirilən ilk matçda Portuqaliya təmsilçisi 9:0 hesablı qələbə qazanmışdı.